كلمات اغنية الشماس ريمون سليمان – ما هو مش حقيقة سهلة وبسيطة

مهو مش حقيقة سهلة وبسيطه

وان فلحظه عليا أقبل وأستوعب

انك تفارقينى

وانى فيوم مش راح أشوفك

أو إنك حتى تشوفينى

ومش بس كده،

عليا أقبل وانى أسلم لواقع واعيش حياتي

واقول انه عادى ده كان هيحصل

ولابد يحصل انك تسبينى

الصدمه جامده ايوه رهيبة والالم مميت

إنى اعيش من دونك

وبعادك ده شئ مش عادى اصلهم ميعرفوش

ميعرفوش انك حبيبتى

انك روحى إللى راحت فثانية منى

إنتى مش بس أمى انتى حياتى كلها

وحياتى راحت فلحظه مبقتيش جنبى

بشتاقلها ايوه اكيد من حبها

محبتش ولا هحب ابدا زيها

هى وبس فبعدها

دوقت الوجع قلبى إتوجع

إتدبح مات من سكات

من صدمه فراقك مبنطقش

الدموع من جوه عيونى متحجره

ببتسم ايوه تخيلى

اصلى إللى زى ميعرفش يحكى إحساسه

لانه مات من جوه منه معنى الكلام

راح اتصدم

بدل ماببكى بقيت بضحك

ايوه يأمى بضحك من شده وقسوه الالم

لكن أقولك الحقيقة

انا ببكى فكل ثانية كل دقيقة من الإشتياق

بتوحشينى فكل مره بشتاق لحضنك

بشتاق لصوتك لضحكتك

لو بس ينفع انى ألمسك

او حتى للحظه ألمحك

قلبى متلخبط مش عارف يدق ولا يبطل

اصله من الصدمه مش قادر يصدق

إنك خلاص سبتينى

وإن جم قالولك ياماما مش باين على أثر فراقك

متصدقيش

ده إنتى من يوم ماسبتينى كل حاجه فحياتى إتغيرت

لأنك عندى متتعوضيش

وان كانت دموع عينيا بتتحجر كتير ومبتبكيش

فده لان الدموع قليلة أوى قصاد صدمه فراقك

قليلة أوى قصاد الوجع

والقلب اللى كان عايش عشانك وبيكى

وقف واتدمر من بعادك

بيدق ويصرخ من الآلم بس فى سكات

من غير محد فيوم يسمعله

حتى أى صوت

وإن كانوا شايفين فصمتى قوه

فأنا فبعدك حقيقي

كل ثانية بموت

طب لو ممكن يارب أسلم عليها

ألمسها وأجرى أبوس إيديها

بلاش ألمسها

أشوفها المحها واطمن عليها

أملى عينى من نظرة عينيها

وحشتينى يأغلى مافى الوجود

هتفضلى عايشه جنب منى وجوه قلبى

لحد منتقابل فى سماء اللامحدود

معندكيش غير حل من اتين ملهمش تالت

إما إنك ترجعيلى

او تشفعيلى

انى فيوم اكون مستعدة واجرى اجيلك

بتوحشينى فكل لحظه

بتمنى احلم ولو للحظه انى اكون معاكى

صليلي

صليلي ياحبيبتى ياملاكى

يأغلى من حياتى

انى فيوم اكون مستعدة للقاكى

وانى أجيلك

عدت سنة،

وانتى فيها عايشة جوه قلبى

واخده عقلى

لا فاتت ولا هتفوت دقيقة

من غير مأفكر فيكى

وحشتينى وبتوحشنى فكل لحظه

عايشه انا على كل كلمه كل موقف يجمع مابينا مابنسهوش

إستحاله أنساكى ياساكنه جوه قلبى ياملاكى ماأحلاكى

ماما

م:مفيش أجمل منك هدية ربنا أعطاها ليا إنك أمى

أ:انتى عايشه فكل لحظه جوه قلبى و عقلى

م:مش هنسي أبدا كل تعاليمك وفضلك عليا

أ:أذكرينى وإشفعيلى فكل لحظه وكل ثانيةياملاكى