كلمات اغنية الناين – رحلة

اول ما بديت كان يادوبك امشي على الـBeat

لكن كلي ثقة اني راح اوصل بعيد

واليوم صانع من الصفر كامل البومي الجديد

فخذ نفس عميق ذا تاريخ ينكتب

لو يجهل مو يعني ما ينحسب

حتى لو الراي ينقسم

على المايك دايم اجي بالحسم

الميوزك يحتاج رسم

عشر سنين في الـScene سطرت تاريخ مين المؤرخ

انعموا وهم شايفين مين المظلوم مين المهرج

الجاحد ولا الجاهل والمحلل والمتفرج

السارق والمتغافل كلو في الحراج يحرج

ليش اضيع وقتي اوضح او ابرر

نفس المواضيع اكرر

"WOW! انا Number One"

مؤمن فيها بس ما قولها سايب الناس بعقولها لان

كم ضغطة تحدد قيمة الفن

عارف وواعي

كيف تعرفني من جوالي؟

فمالو داعي

تقولبني ماني مراعي

متفهم عادي

ذا الطبيعي في الوقت الحالي

الكل فاهم ماشاء الله الكل داري

في يوم صحيت كالعادة اول شي دورت جوالي

زيك كنت مدمن عارف اني مو لحالي

تشوف في السوشيال ميديا العالم الخيالي

تغلط لو تشك في نفسك وثقتك تهتز طوالي

بيحددوك ويصنفوك كل واحد بمعيارو

يشوهوك ويزينوك كلو حسب افكارو

لكن ردة الفعل تفرق كلو باختيارو

العالم فوضى غلط تديه اكبر من مقدارو

اسباب كثير مترابطة والحل لا تهتم

نصيحة اللي يجهل زي الذم

اوراق بالكم

ملاحظات وافكار مو عارف عددهم كم

خليني فشغلي واستمتع بالفن

الراب معي في امان

شكرا عالكلام لكن ما يفرق الان

لو ذا الحافز كان راح ابطل من زمان

عندي اكثر من اللي قدمتو لذا المجال

طز في الناس وفي الاحكام

انا عيني عالعالم مو بس ذا المكان

عقدة الخواجة هنا مليان

بيشوفوني غير لو كنت من الامريكان

وانا لسى في الرحلة طاير

ذا الالبوم لي وللناينز

اصنع ليا انجاز من ذي الغرفة بس للذكرى

استنى او اهدا طبعا لا لا لا لا لا

لسى احنا في بداية الرحلة