كلمات اغنية امين خطاب – فى ساعة المصالح

هعمر السلاح ومفيش سماح وهفتري

خسرت أنا في اللي راح علشان بحب وبشتري

قلوب سودا وهباب ما بينضفوش لو إيه جرى

شافوني لوحدي محتاس كله سابني وجاب ورا

لقيتكو مصديين ومركونين ولا تنفعوا

محيت عنكو التراب بإيديا وبقيتوا تلمعوا

وعلى حسي ابتديتوا تهيصوا وتدلعوا

هطيركو خلاص واتفلقوا ياكش تولعوا

بقابل ناس يمثلوا انهم ناس مظبوطين

ماتيجوا معايا سكة وعرفوني انتو مين

ليه عاملين فيها بس الأولياء الصالحين

وهما في خبثهم يغلبوا مكر الشياطين

تمد إيديك تساعد أي حد في محنته

ولو واقع في ورطة طلبتهم يستموتوا

محدش في الحياة صالح وكله بتاع مصالح

خلاص عيشك وملحك بله واشرب مايته

صحاب أندال يشدوا فيك معاهم تنحرف

طريق الكيف عماني أذاني حاجة آخر قرف

يا شلة الفساد بلاش أشوفكو في سكتي

كفاية عمري ضاع من غير هدف مالي اتصرف

في ساعة المصالح يبقوا سمنة على عسل

يرنوا ألف مرة لحد ما التليفون فصل

بتخلص مصلحتهم ولا حد بيعرفك

ولا بتشوف وشوشهم ولا حد بيتصل

ليه دايما الجدع الدنيا دي بتبهدله

تقفلها في عينيه وتجيب نهايته وتسحله

وتدي الندل حظه 24 قيراط

لكن ابن الأصول بتوقعه وتشنكله

في مركب الحياة الغلبانين بيغرقوا

بيبنوا قارب نجاة بس الظروف بتحرقه

في ساقية ومطحونين بس الحياة فيها أمل

ولو في مرة فرحوا عمرهم ما يصدّقوا

يا أعداء النجاح في أي حاجة جاهز لكو

ولو عايزين حكاية هجيلكو لو في عبكو

نُقف فارس لفارس والميدان يشهد لنا

أنا ما بهيبش حد كفاءة بيكو كلكو

هسيبكو تجهزوا وتتكتكوا وتخططوا

ميشغلنيش عشان أنا قطر عارف سكته

ما هو الراجل يكون ثابت وقد كلمته

أنا بنفذ وأي حد أقابله هسكته