مساحة إعلانية
ما بين بعدك وشوقي إليك وبين قربك وخوفي عليك
دليلي احتار
تغيب عني وليلي يطول وفكري فى هواك مشغول
أقول امتى أنا وأنت حنتقابل مع الايام
ولما القرب يجمعنا أفكر فى زمان بعدك
وأخاف يرجع يفرقنا وأقاسي الوجد من بعدك
وبين بعدك وشوقي إليك وبين قربك وخوفي عليك
دليلي احتار وحيرني
ولما القاك قريب مني واقول البعد تاه عني
أشوف عنيك تراعيني وقلبي من لقاك فرحان
وأشوف بينك وبين عيني خيال البعد والحرمان
وأخاف لتفوت ليالينا وأهيم فى بحر أشجاني
وتتبدد أمانينا وأقاسي البعد من ثاني
وبين بعدك وشوقي إليك وبين قربك وخوفي عليك
دليلي احتار وحيرني
أخاف فى البعد توحشني وأخاف فى القرب تتركني
قريب مني تناجيني وطيف بعدك يخايلني
بعيد عني تناديني ومين يقدر يوصلني
لا أنا باصبر على بعدك لحد عنيه ما تسلم
ولا بفرح فى يوم قربك وأخلي الفرحة تتكلم
وبين بعدك وشوقي إليك وبين قربك وخوفي عليك
دليلي احتار وحيرني
يا ريتك حلم فى جفوني أنام وألقاك وأعيش وياك
وآخر طيف أشوف أنت
يا ريتك فجر فى عيوني أنام وأصحى على فرحة
واول صورة أشوفها أنت
وبين صورتك وبين طيفك أعيش و القلب متهني
مش افضل كل ما أشوفك أخاف ترجع تغيب عني
وأقول امتى؟.. أنا وأنت حنتقابل مع الأيام
التعليقات