مساحة إعلانية
هله هله هله هله
دهلي ورحبي بينه ياموصلنه طبينه
خل تفرح اهالينه ... اجينه
ردي الأولج ردي ام خير اوجه وردي
البيت العربي والكردي ... اجينه
اجينه وجبنه ويانه كل الفرح واللوانه
خل يسمع العادانه ... اجينه
اجاج ابن العجل والچا من الانبار اجه ويا
وابن ديالى هم هنا ... اجينه
جبنه الياس والوره ازمه اتعدي بس مده
من ردتينه عالهده ... اجينه
بنت عراقنا الغالي اسمج عالي ويلالي
جنوب ايصيح ياشمالي ... اجينه
عش ماجيتو لتكولين اجينه الشوفتج ميته
الخاطرج ناسج الطيبين ... اجينه
وحق اشماله وجنوبه ياحدباء الج حوبه
بيج العزه مصبوبه ... اجينه
طشي اكبالنه الچكليت ياطيبه وجميلة صيت
نعمر بالفرح كل بيت ... اجينه
لاوالله مو كلمه اجينه بزود وبهمه
بعد مانرضه بالظلمه ... اجينه
يافرحتنه من فرحه مثل لليل وطلع صبحه
عروسه ولابسه الطرحه ... اجينه
خل نسمع الف صفگه بعد منريد اي فرگه
ناسچ حلوه بالملگه ... اجينه
التعليقات