مساحة إعلانية
الأولتراس كلمة حق سيفها على رقاب الجميع
قادر يطهر والحقوق مش ممكن يوم تضيع
نكره السلطة وانك تحكمني ده من الخيال
نكره قوانينك اللى بتحكم بيها الجبان
نكره ارهابك تحت اسم الأمن والأمان
نكره حمايتك اللى فى عصاية السجان
2007 كانت بداية لمتنا
جمعتنا الأولتراس والكورة حياتنا ومتعتنا
دخلات وأغانى والناس بيها حبتنا
ولقينا روحنا فى وسط غابة من الفاسدين
كورة بلادي المتعة فيها منهوبة
من حكم السلطة اعلام وصحافة مأجورة
برامج تحليل بالكذب فيها مغرمين
غش ونفاق على عقول الناس مسيطرين
دوري شركات وفصلوا اللعبة عن الجماهير
مكسب للمال وحاوطوا اللعبة بالقوانين
قتلوا الوفاء بفكر دورى المحترفين
نهب وجياع لاعيبة بتكسب بالملايين
ضد الكورة الحديثة اللى بتقتل متعة
ضد دورى الشركات اللى بيمحى وجودنا
ضد عيشة الفساد اللى عايزة سكوتنا
وتعيش الأولتراس بتحارب على مر السنين
لسة الفساد ساكن بيوتنا زايد همومنا
لسة الخراب متحكم فينا وفى عقولنا
لسة التاريخ يشهد طول ماحنا موجودين
الكورة للمتعة وللجماهير
التعليقات