مساحة إعلانية
ماتوا وهما يقولوا الصاحب ظهر وسند
ما عمري شفت أصحاب بس شفت الحقد في مستند
وشفت أخوان ورجال صادقين
بس الكلب إللي قبلهم خلاني ما ءأتمن أحد
وماتوا إللي يقولوا يابخت من بكي وبكاني
لأنه الواقع العفن فوقني وقوى لساني
وفوق عقلي وحكم على ما أحتوى جثماني
أنطقني كلمة الحق بالسراط ساواني
كانوا يقولوا أتزوج تكمل عقلك ودينك
وأنا يوم أخترت قالوا هاذي مو من أصلك وطينك
وتبغى خدم وقصور ما تبغى حال ميسور
فقررت أنسى الخلفة ياقرش عشان عابدينك
وكانوا يقولوا المال كل ما قل حالك زان
وأنا أشوف إن قلة مالي هي بيت الأمان
قالوا بتموت فقير قلتها وبدون خذلان
أموت على فراش من مالي ولا أعيش مهان
قالوا ....
كمية كلام وأفعالهم عكس إللي قالوا....
وكل انسان في وسطهم يفتوا في حاله ...
من مية مثال غصب تعيش إنت في مثاله
سيب إللي قالوا .... واللي بيقولوا كلاً في حاله..
كانوا يقولوا الأقربون بالمعروف أولى
بس الأقارب عقارب مايخافوا فيك المولى
تشوف اليتيم يصارعهم ما يأخذ منهم جولة
إلا و حقه وماله ودمه انسفك وبكل سهولة
وكانوا يقولوا الناس للناس والدنيا بخير
بس إنهم يصوروا الناس عشان لايك وشير
وصارت قصة عظة وعبرة وفوقها تشهير
خليني أقولك الخير كاذب بلا ضمير
وكانوا يقولوا الحاجة أم الأختراع
حتى الحاجة صارت تتخبى وراء هذا القناع
ما عندك أسلوب إقناع أرمي نفسك للضباع
خلي حاجتك لك وألبس في صبة الرعاع
وأسكت وخلي إللي يقولوا يعيشوا
وإنت عيش ومخك عنهم بس أفصل فيشو
ولو يجونك متبخترين على هيئة طاووس
وريهم مرمطة حياة تفصل جلدهم عن ريشو
التعليقات