كلمات اغنية ايمزى – كتبت وشطبت

كتبت و شطبت

و شطبت و كتبت

تراجع

و حيرة

تردد

و كبت

و أجلت بكره

ليوم سبت قرّب

فضاع منى بكره

و فات ألف سبت

ببص لعيونى فى عيون الحقيقة

فببكى لدقيقة

و بضحك سنين

مكمل فى وصف الطريق و الطريقة

يا شيخ الطريقة

طريقك لفين ؟

بدور عليا فى كل التجارب

مصدق

و شاكك

و عاشق

و شارب

بلفق قضية

و بعمل محارب

و بخسر

و بيأس

و اعيط بجد

بحمّل جميع الأيادى النتيجة

و بفرح عشانى

ماليش فيها يد

بقدس كلامى و انفذ وعودى

لانى أساسا مابوعدش حد

بسيب الدواير تشبك فى غيرها

وطفى السجاير

يلوّن سريرها

و ببدأ قصايد

ما بعرف آخرها

فبنهيها دايما بأول ما قلت