كلمات اغنية باسم وفيق – جوكر

لما ترسم على وشك ضحكة.. هيبقى إسمك جوكر

و بنكتة تقولها في وسط الشلة ..هتبقى برضو جوكر

مش لازم يعني تكتئب.. أو تبقى سوبر أوفر

إضحك للدنيا و إنجح .. في مجالك خليك جوكر

إفهم خد من نصيحتين.. حلقان في ودانك علقهم

خليك إيجابي في وسط الناس.. و إفرح ليهم شجعهم

ممكن تتعلم منهم أو.. أو بعلامك تنفعهم

ما هي سهلة و مش محتاجة.. غير انك تحسبها حسبة

جوكر

كسّر في شماعة الظروف يلّا سيبك من الكسل

متكونش حاضر غايب قوم وإثبت وجودك إشتغل

و قول أنا لسه عايش أنا لسه بتنفس أمل

عمرك بيطول بضحكك عمر الضحك ما كان هبل

لو شايف إن إنت وحيد .. و محدش حاسس بيك

طب ليه باصص لبعيد .. مش جايز العيب فيك

عمّال بتلوم في الدنيا كلام و مفيش و لا كلمة عليك

سيبك من الحزن ياصحبي هتلقى الدنيا بتضحك ضحكة جوكر