كلمات اغنية بالعربي – البرفان

خد من الليل الضلمة وضل

يركن بيه عالحيطة المايلة

خد من حلمه حاجات بتمل

مد ايديه وايديه مش طايلة

خد من بكرة الخوف من الجاي

خد من قلبه الدفا والضي

واللي اتبقى يادوب عكاز

يثبت بيه إنه يادوب حي

يا معشمين فالحلم والمال الوفير

لاجل العقار والجاه والفرش الوثير

الدنيا زينة بتشبه البرفان

مهما يمسك فالهدوم بيطير

خد من الماضي البكا والجرح

يندم على شكله وتفاصيله

خد من العشرة العيش والملح

يحرق صدره ويوجع ليله

خد من الصحبة الحلوة قلقها

خد من البنت الحلوة فراقها

خد من الذكرى دفاتر حلمه

قبل مايصحى الصبح حرقها

يا معشمين فالحلم والمال الوفير

لاجل العقار والجاه والفرش الوثير

الدنيا زينة بتشبه البرفان

مهما يمسك فالهدوم بيطير