مساحة إعلانية
يابلادن خلت المنهاج سيده
واينعت خيرن تدانى في حصوله
عامره على البطولات الاكيده
اسرفت في هيبة المجد وزحوله
دولتن في ضل حكامن رشيده
رامت التاريخ في عرضه وطوله
نصرة اللي جف دمه في وريده
من زبنها قاموا ال سعود حوله
في ربوعن حبها الغيث وهطوله
والله إنا بالمقامات التليده
عمق الامه والطموحات المهوله
في ذرى سلمان ومحمد عضيده
نستبيح المستحيل بكل صوله
علموا طهران ترضى بالزهيده
مابقى لكلابها قيمة عموله
والملالي لا لعنا سيد سيده
لا يضاهينا في يومن ثار هوله
يا ملكنا طاعت الروس العنيده
واذعنت لامرك ورضيت في قبوله
شتت الله شملهم في كل دوله
انت سلمان الملمات الشديده
حاكمن للصعب في كفك حلوله
وانت سلمان التحدي في وعيده
قايدن يلهم شعوب الارض قوله
تعتزي بمحمد الحر الوليده
فارس الميدان كاسب كل جوله
انت حامي حكم جدك ياحفيده
تاخذ من اطباعه ونهجه وزوله
ياولي العهد هقواتك فريده
كلن شي صعب بعزومك تنوله
صنت مجد الشرق بفعالن سديده
رؤيتك قدام والخطوه عجوله
التعليقات