مساحة إعلانية
يا دلي دخت و لفيت
و برمت العالم كلو
أنا بدي استأجر بيت
عم دوّر مين يدلّو
ليكو لقيتو قولو مبروك
ان شا الله الجيران يحبوك
يا جماعة ماني عارف
ليه قلبو عليي الجيران
مسكو شوية مواقف
ما أخدو الظن بإحسان
يعني جاي و مستعجل
ما في صفة بالحارة
ورا سيارة أبو الخل
أنا صفيت السيارة
اي شو فيها؟ ليه زعلان؟
لا أبداً مانك عرفان
و بعدا وأنا عم بشطف
ع البلكونة شوي شوي
فجأة بيصرخ و يرجف
أبو أنوس و كلّو مي
كان واقف ع باب البيت
بس ماني منتبهله
وانا سطل المية كبيت
لكن مو قصدي بلّه
اي شو فيها؟ ليه زعلان؟
لا أبداً مانك عرفان
اي حتى بالأمارة
وقتا هالمية قطعت
طلعت لسطح العمارة
شفتا بخزّاني خلصت
و رياض الجار الغالي
خزانو بعدو مليان
فـ نقلت المية لحالي
و بهدلني فوق مانا تعبان
اي شو فيها؟ ليه زعلان؟
لا أبداً مانك عرفان
و بهالشهرين ال مرّو
كانت عندي مناسبات
نقوط و عزايم يا برّو
خلصو مني هالليرات
مو لازم ادفع إيجار
خلينا نأجلها شوي
ما صبر عليي هالجار
وين الأخوة يا خي
اي شو فيها؟ ليه زعلان؟
لا أبداً مانك عرفان
كنت بنضف كل البيت
لميت نفايات كتير
لكن من تعبي انهدّيت
و المشوار مانو قصير
باب العمارة حطيت
المسا كيس النفايات
كل جيراني ع باب البيت
صبّحو بالبهدلات
إلحقونيييييي
التعليقات