كلمات اغنية برهان – ياحبيبي

يا حبيبي وان عصانا الوقت عادي ما يخالف

الظروف ان جات راحت والهوى حنّا نزيده

باكر ان ما زان بعده باكرٍ بالوصل حالف

والله انّا ماخذين من الليالي ما نريده

ما الاقي مثل قلبك بالبشر حاضر وسالف

وما تلاقي مثل قلبي يهتف اسمك في وريده

وان لوى ذراعك زمانك امسك ذراعي وخالف

لك جميع اللي احسه من قديمه لي جديده

تدري اني وانت قصة كل ما فيها موالف

أمسها في كل يوم يجدد الحب ويعيده

فاعطني مما تهيّا شيء من عذب السوالف

وكان ودك؟ هات صمتك انت في صمتك قصيدة