مساحة إعلانية
قبل ما افكر باتصرف
نفس الأخطاء بتتكرر
نفس الأخطاء بتتبرر ونفس الحاجات بتتدمر
مشوي محبش متحمر، بش بيتأمر
بش بيزحلق الأندار
بيناشد الهوز تبقى أنضج
مكمر العدة في الشنطة
كتف قانوني مش آسف ع الخبطة
مش آسف ع الخضة
واقفينلي ع الواحدة مش باغلط الغلطة
مش باقع بلساني مش باكشف الخلطة
قلشت في العارضة، الحقد بيفرهد
التراك دا مثير، باغير كارير
يوسف في السيما باخرج المصير
حاسس بخنقة باكلم كريم
عايز حنية مش عايز حريم
باكمل مش باعطل، هاسمعها لما أفضى
باكت مش بافضل، باطير ع للمريخ
قالت لي عاجبني بش انت جريء
بالراحة يا أبلة مش لازم ع الريق
مش لازم ع الريق كدا جوا المريء
في آخر الخريف، الباب جايب ريح
اللي اتكسر يتصلح اللي اتقصف نبريه
اللي اختصر واتسلق الايام بتعريه
حطيت قلبي في التلاجة
وبقيت لوحدي بكل سلاسة
مش متعشم تبقى سذاجة
لأ مش عايز منكم حاجة
مش عايز الصعب، عايز المستحيل
الحلم بيقرب والقدر بيهرج
مش هالعب معاكي، خلاص مستقيل
هاقف واتفرج ع الوضع المتكهرب
الجين دا مستورد والهاش دا متهرب
ف بوستاتك أنا من كم الهاشتاج باستغرب
والأغرب يا أخرق انك دايما متسربع
اوفرريتد وعادي كدا زي المربع
مش لازم أتكلم عن كل اللي حصل
عن حلمي اللي اتبخر وقلبي اللي اتعصر
من غير جمهور فضل الماتش متصل
امبارح خسرته النهاردا بانتصر
متجيبليش سيرة الحوار دا باتفصل باتقفل باصدع، القلب اللي صدك
بيلف في دواير، في قلب المدرج
كلامها مشبع بزيوت مهدرجة
فهارمي فيه الولعة لزوم البهرجة
هافرقع البمب في طزطوز المهراجا
مش حاسس بالذنب الأنوار البراقة عميتني
حطيت قلبي في التلاجة
وبقيت لوحدي بكل سلاسة
مش متعشم تبقى سذاجة
لأ مش عايز منكم حاجة
من غير تفكير
من غير تفكير
نفس الأخطاء
نفس التبرير
أنا مرغوم
مش مسؤول
مش معقول
كل اللي سمعته في تراكك منقول
واقف بتسأل، ايه اللي جرا
سيجارة واحدة متشيلش أرق
ضلمت أوضتي ومسكت أورتي
جوا دماغي هرج ومرج
مش جايلي نوم باصص للسقف مفنجل
الأصوات بتعلى والضحك بيجلجل
أشباح محاوطاني متكتف متبرجل
وأفكاري السودا ماشية بتتدنجل
مش عارف أوقف خيالي
مش عارف أوقف حياتي
شايف حاجات على شمالي
عايز أخرج من حياتي
حطيت قلبي في التلاجة
وبقيت لوحدي بكل سلاسة
مش متعشم تبقى سذاجة
لأ مش عايز منكم حاجة
التعليقات