مساحة إعلانية
شلت الحشيش م اللعبة
حطيت عفاريتي في علبة
عادي صغير زبلة وقعت جالوت بالنبلة
مش هالطم زي عابلة ولو كنت فاكرك هابلة
مكنتش غيرت القبلة
بادعيك ليه مش قابلة
القلبة بتحرق ومش هتفرق
دبيت عصايتي وهاعدي بحرك
قاعد بافرك مش على بعضي
لو بس تفهم أنا مش باعدي
ولا فيه قبلي ولا فيه بعدي
القبلي كتمة افتح ع البحري
لو فكري مادة، عرفتي مهري
باراتي درر أنا مش باهري
أسبوعي عدى كأنه شهري
مارست قهري بكل عناية
لسعت قلبك بالدفاية
لو دي النهاية، خلاص كفاية
لو دي البداية، خلاص كفاية
خلاص فهمت إن أنا بأذيكي
كل محاولة بتقسيكي
شغل المزاولة ده الكيف مناولة
وخايف البعد ده ينسيكي
اتعلمت درسي خلعت ضرسي
مقطع هدومي بس أنا ترزي
دفيتي صدري وكنتي شرزي بردان باتكتك الوضع مزري
الحب مؤذي اكتشفت بؤسي أسعار بتغلى وبيزيد رخصي
نفد رصيدي اتسحبت رخصي فسحبتي من تحتيا الكرسي
ضيعت فرصي وبلعت قرصي هبدت شبشب فعصت برصي
أنا مش بعبع ليه اقتربتي ليه انقلبتي أنا مش مرسي
لو دي النهاية، خلاص كفاية
لو دي البداية، خلاص كفاية
بهدل الفيرسات يا مان
طب امسك اليمين تمام
زود البنزين كمان
رحلة م الشك للإيمان
علي ريفيربي أنا الإمام
ده عيد ميلادي عادل إمام
وبوسي هادف أنا إلهام
لا تلتهمني أنا الـham
سكينة تلمة، عايزك في كلمة
قولي طلباتك، كأني إملا
أنا مبتذل، دابر أملا
أنا مختزل ما كانوش كام جملة
أنا مرتزق باشن حملة
أنا مرتضى مليش في المجاملة
دي مش معاملة مش فاهم مالنا
كنا في حلم وكابوس مآلنا
التعليقات