مساحة إعلانية
نط من فوق، قابل من تحت
انزل بالذوق، خلاص ارتاحت
ابنوا تمثال هاتمجد بالنحت
سبيل مثال توضيحي بحت
بح مفيش، حد هيعيش
هاخلص عليكو كأني العريش
سيجارة طريق، اشربها ع الريق
تترمي في بنزين، هاطلع بريء
بس مش فارقة، واقف ع الهاوية
Somersault، واتفعص في الزاوية
هابقى بسكوت، بعد السقوط
آخر تراك ده ما قبل السكوت
مش قادر تتحمل كل الضغوط
عايز تموت، بس بتكمل
مستني الفرج، واقف متسلل
لا للقنوط، ربك موجود
انت مش ليلى بس انا مجنون
حفلة مجون، كله معزوم
فاهمين بعضينا ما كله مأزوم
باقرب ع الارض وباسرع الزوم
وقت اللزوم، بابقى في الخامس
مش قصدي ع الجير، قصدي ع الدور
عمري هيزول، وقت النزول
هاشهد زور أنا وقت المثول
في النزلة هاكون انسان تاني
في الأزمة باكون شخص أناني
قبل ما تحكم، تقف مكاني
حتى اما اموت انا هابقى الجاني
باتمرجح ما بين الحب والكره، سيبوني في حالي محدش يزق
باشتغلك عن بعد، باشتغلك عن قرب
اتقوا شري محدش يرد
باضرب ع البق، تقف في الركن
I got her number تقدر تشك
تقدر تشيط، بش الفشيخ
لما النسيم، باكل فسيخ
مالكو انتو باللي بيدرمغ في دماغي
جالكو اللي هيفك كل البراغي
تقف قصادي، برضه مش شايفك
باحلب معاني، انا المراعي
قدر oظروفي، عايزاني أراعي
قدري ظروفي، أصلا شعاري
هافرد شراعي، هافرد دراعي
متجيش في حضني، عندي دواعي
مش أمنية، الأمنية
تديني فرصة أصفي النية
ونشرب عصير، لا ونشرب كتير
طب على الله نسخن وننعكش سرير
نرجع لمرجوعنا، ده مش موضوعنا
ما تيجي نطلب، أظن جعنا
نفسي لما أنزل، أنزل شبعان
هاتقل فهانجز، ده م الإمعان
فكرت كتير فقراري موزون ويتاقل بالدهب، هل يشفع له انه اجتهد، ولا نشويه على اللهب ونخلص، حاول يتملص لآخر نفس، بص لذنوبه واتكسف، اتكشف، بعد ما فاق ولم الشتات اتنكس، اتكنس، كان حاطط عليهم واتوكس، من جد وجد الدوا، يا حوش، خد بعضه انعزل وانزوى، لحد ما استوى، فبخطى ثابتة والتالتة تابتة، وقف على السور وهوى، جسمه بيكربج الهوا
في النزلة هاكون انسان تاني
في الأزمة باكون شخص أناني
قبل ما تحكم، تقف مكاني
حتى اما اموت انا هابقى الجاني
التعليقات