مساحة إعلانية
اهلا بيكوا عالمسرح اهو واقف ناوي يعرف نفسه
البلياتشو بدل ما هيضحكوا هيفصح عن كل اللي كارهه
اقطع 1000 رقبة و شوه كل وش كان مبتسم
في الوقت اللي كنت بتبكي فيه ايام العدم
انا البلياتشو انا اللي بنزف دمي عالسطور
انا اللي حبري سقي العقل اول فاس في ارض بور
تطرح زهور و البلياتشو ورا القناع مختفي
مش منطقي فرح كل الناس و بالهم مكتفي
فجر الغضب قالوا لكل فعل سبب
غلب فقلب سب فاتكتب اركنه علي جمب مين الادب
اصلك وسط غابة ونابك لو متسنش هتكون الضحية
الدنيا مفترية و زي ما جت عليك اهي جت عليا
و ديني ما هركع و ديني لاكون سبب في الانهيار
ده مش مسار و مدار حياتي مليان بالاسرار
لو حابب كمل لو عايز تسمع لو قادر تستحمل
الوجع خلاني اتمرد و الضلمة خلتني اتعلم
اللي كان كان قالوا الامان زمان
انا بفجر بركان
انا بحارب و في ضهري الشيطان
بلياتشو عافر و ساب وراه تلال من الاحزان
تلال من الاحزان
عارف لما خوفك يمنعك و يزيد في وجعك
بالظبط زي ما روحك تصرخ بس محدش سامعك
عملت كل حاجة عشانهم و بردو ماشكروش
و ادي الالم بيزيد و ضميرك حالف ميسيبوش
فجأة الشر ينادي يهمس في ودانك سادي
هادي متأكد طب ثواني و تقلب سيكوباتي
الوجع نوتات بتتعزف بتجند الكل يروحوا فداك
و انا ثابت عالمسرح و شيطان الكفر شر ساكن جواك
صدقتوا لما خوفتوا و شوفتوا في عز الضلمة صورتي
كدبتوا عينيكوا و الحقيقة معكوسة في مرايتي
اللي كان كان قالوا الامان زمان
انا بفجر بركان
انا بحارب و في ضهري الشيطان
بلياتشو عافر و ساب وراه تلال من الاحزان
تلال من الاحزان
التعليقات