مساحة إعلانية
ي عم عادي كلو فات ومات وعدي
كل ال انت فيه هيخلص ب النفسين وشده
ومتقولش اصحاب اصحابك كلاب ع الماده
وحب عمرك ايدك ف ايدها وفجاه قامت فالته
______________________________
ي عم طوب الارض ال انت عاشقه مبيحبكش
وقفت حياتك ليها وهي عايشه مستنتكش
ومتندمش العمر عدي وفات وكانم ليها
وكمان هتفضل عايش حياتك مستنيها
_____________________________
خليك ل حالك احلالك و العمر قبالك
ي عم متستهونش بتعبي اي الجرالك
دخاني بقالي مع انو كمان طاير ف الهوا
مكنتش اعرف من البدايه اننا مش هنكمل سوا
____________________________
واحد عاشق للبن وواحد عاشق للخماره
بقيت انا شخصيتين والحب عمره م كان ب اشاره
متقوليش خساره خسارتك مكسب ليا
وستفدت اي ف الاخر كنت انا الضحيه
___________________________
:cc:
كنتي زي نور القمر ف اوضه ضلمه حزينه
سنين بفهم قلبي انك معنتيش لينا
ولا قلبي حاول يفهم ولاوعقلي عاوز يرجع
بقيت ف صراع مبينهم وياريتها ي قلبي ترجع
دخان سجايري علم ب النكوتين دا تحت عيوني
واقول ي عقلي سيبها اكيد تمام من دوني
هتولي حد يحب هتولي حد يصون
نداها جوه البحر وانا ليها عاشق ممنون
_________________________________
كرهت كل الي كنت بشوفك فيهم
معرفتش اداوي قلبي بس قلوب الناس اداويهم
شوفتك ملاك ولما قلعتي ورتيني وشك
غشيت الكل بس لي معرفتش اغشك
________________________________
سبتيلي هم كل صوره ب ذكره منها
ولا مني عرفت انساها ولادماغي اشيلها
حبي كان ل موسي ازاي قلبت فرعون
محدش حب وال حب حبو افلام كارتون
______________________________
بقيت لواحدي وكله قالي الوحده علاجك
طب لي صدقت ي قلبي بعد م كلو سابك
معرفتش اعيش مع نفسي من غير عنيها
هفضل عايش ع الباقي هفضل عايش مستنيها
_____________________________
بتيجيلي ف كل مكان حتي مبتسبيش احلامي
مش قولتي مش هتمشي طب روحك مش سيباني
ريحتك حواليا ف كل مكان واقول هتعود
طب لي سبتيني مش برضو كان مبينا وعود
___________________________
cc:
كنتي زي نور القمر ف اوضه ضلمه حزينه
سنين بفهم قلبي انك معنتيش لينا
ولا قلبي حاول يفهم ولاوعقلي عاوز يرجع
بقيت ف صراع مبينهم وياريتها ي قلبي ترجع
دخان سجايري علم ب النكوتين دا تحت عيوني
واقول ي عقلي سيبها اكيد تمام من دوني
هتولي حد يحب هتولي حد يصون
نداها جوه البحر وانا ليها عاشق ممنون
التعليقات