مساحة إعلانية
Intro :
حقيقي مُمتن لكل الظروف و الأيام اللي عرفتنا
حقيقة نفسنا و حقيقة اللي حوالينا
مين معانا .. و مين علينا
مين بيحبنا بجد و مين مجرد بيقول انه بيحبنا
شكراً لكل حد حاول يهدنا بقينا بسببه أحسن و أنجح.. شكرًا
V1:
شكرًا ليكوا من كل قلبي ، لكل اللي سابني و كل اللي جنبي ..
و اللي شافني غلط و الذنب و مش ذنبي ، و شكرًا لقلمي (ألمي) ..
ببعتلكوا سلامي من مكاني و نفسي ربي يجمعني بيكوا تاني ..
أكيد مش ناسي ناسي ؛ مش قاسي ، و مش ناسي كل اللي في يوم أذاني..
في حياة بعض مراحل و بنسيب جوا بعض علامة ..
زمان كان عندك كام صاحب ؟ دلوقتي مين صاحبك غير الكئابة؟
قولي: حلمت ب إيه و حققته أكيد موصلتش لهدفك..
و اللي جريت وراه و صدقته في الطريق فقدت شغفك
في خيالك عِشت ف حلم و دوبت ف غفلة الأحلام ..
و لما صحيت لقيت نفسك لابس بدلة الإعدام..
طموحك للأسف كذاب ، كسّرك بقيت أجزاء ..
كنت انت السبب في كل حاجة و تايه تسأل ع الأسباب
حبيتها؟ كانت سندريلا و كنت أميرها..
كانت تخطفك من بينهم ، قلبك عُمره ما دق لغيرها ..
و اقتنعت ب انها ليك ، صدقت جملة " عمري ما أسيب "
واديك لوحدك ، تسأل ليه ؟ هتقولك "النصيب"
Chorus :
شكرًا لنفسي عشان شالت فوق طاقتها جبال
شكراً عرفتيني الحب خدعة و لعب عيال
شكرًا لكل صاحب وقت الشدة بان
شكرًا للRAP عشان شال أوجاعنا في الألحان
(×2)
V2 :
إنت بتنهار يوميًا بس بتتظاهر انك ثابت
من جواك بركان ينفجر بس قادر تبقي بارد
بتعاند، مع إنك عارف إن النهاية دايما واحدة
كتير قولتلك و ماقتنعتش: "هتعيش و تموت لوحدك"
رفضت التعايُش ، ماقبلتش بالوضع
رفض أكون عايش ، بتنفس الضعف
رفضت أعيش خايف ، و دوست ع الصعب
اكتشفت ان الرحلة بدون تعبت بدون طعم
من جوايا مضغوط ، مهما بذلت من مجهود..
مش بدوق للنوم طعم طول ما المستقبل مجهول..
لسه عايش كل لحظة معاها؟ مش قادر تنساها؟
قلبك بينام حاضن طيفها و سامع صوتها جوا ودانك؟
ف تسأل نفسك عن سبب بُعدها! ، مع انك وفيت بكل وعودك..
كتير قربلك من بعدها بس هي اللي كانت بتروي ورودك..
تعرفي ؟ أنا بعشق تفاصيل ملامحك..
كان نفسي لما يبقي ليا ابن يكون شبهك..
صدقيني مكنتش يوم أتمني البعد يبقي حالنا..
لو مش نصيبي في الدنيا ، هستناكي في الجنة
قلبي اتوضي وقت الفجر علشان يغسل ذنب حبك
غسلت عيوني بالدموع و عاتبت قلبي اللي ف يوم حبك
وعدت ربي أنسي صورتك و متكلمش تاني ف سيرتك
بدأت الصلاة و ف أول سجدة ليا نطقت اسمك.
Chorus :
شكرًا لنفسي عشان شالت فوق طاقتها جبال
شكراً عرفتيني الحب خدعة و لعب عيال
شكرًا لكل صاحب وقت الشدة بان
شكرًا للRAP عشان شال أوجاعنا في الألحان
(×2)
التعليقات