مساحة إعلانية
[المقدمة]
أنا طالب علم
أنا طالب علم
أنا عندي حلم
أنا عندي حلم
أنا عندي حلم
أنا طالب علم
[المقطع الأول]
ما تعلمت من المدرسة كيف عد
تعلمت فيها بس يتعدوا كيف برد
كيف لف كمشة حجر بشال
مشان وقت الجد أعرف كيف وأيا راس فج
(أنا طالب علم)
تعذبت كتير بكيف حدود للبشر حط
بنفس الوقت تعلمت كيف ما حط بشر ند
دايماً كنت طفل غاضب
كل ما عصب أخبط راسي حتى جبيني ينز
(أنا طالب علم)
كنت مقضيها ضايع بالنص
بين رفقاتي بالجامع، وصحابي النص نص
ورفقاتي بالشارع، ومثقفي القهوة
عند هدول كنت كافر وهنيك كنت غرّ
كنت كلهم بيعهم أدويتي بالسر
مشقف وهويتي بالنص
والشي الوحيد اللي لسا ثابت
إني لسا بتعلم
[اللازمة]
(أنا طالب علم)
ما بيفك نفسك غيرك
بيبزق عجرحك غيرك
بيمسح دمعك غيرك
يسند ضهرك غيرك
(أنا عندي حلم)
ما بيحس وجعك غيرك
يلقمك درسك غيرك
بإيدك تعصر غيمك
ما بعلمك غيرك
[المقطع الثاني]
ما تعلمت من البيت كيف بحب
تعلمت كيف بغب وإني على جهنم كب
تعلمت كيف أتصالح مع الخوف
وكيف طول عمري لم اللوم
وأبلع بكوة قبل النوم لما يسمعني أبي يجن
عم بحكي عن العنف جوا بيوتنا
عم بحكي عن التراما عن الأمل عن بلكونا
باخد دروسي من كيسي
وجايه أنكت كيسي هون للكون يسمع صوتنا
هان صوت الطفل الي ما تعلم يرفض
بس تعود يركض
علمونا حروف وما ركبنا جمل
بأحلامنا نردم حفر، بس لبالواقع ننفد
بتحتاج بالضرورة صبر، فبتأني
النمو بالضرورة صعب، فبتألم
بحاكيكم للجورة بصدري تتملى
لح ضل كل العمر من الأصغر فيكم بتعلم
[اللازمة]
(أنا طالب علم)
ما بيفك نفسك غيرك
بيبزق عجرحك غيرك
بيمسح دمعك غيرك
يسند ضهرك غيرك
(أنا عندي حلم)
ما بيحس وجعك غيرك
يلقمك درسك غيرك
بإيدك تعصر غيمك
ما بعلمك غيرك
[المقطع الثالث]
طول عمري نص هون نص لأ
لجأت للحن وحنى قلبي بالجروح كب
خسرت النوم يوم شربت من كاس الخوف سك
وصار الخوف صاحبي، بس نازل بالجوف نتف
(أنا طالب علم)
كتير صعب إحكي حالي، فبغني حالي
وحيد بلا وسيلة منفس، فبغني حالي
بضل من برا ساكت وأنا من جوا بنادي
لما أنا وأقرب الناس كل واحد منا بوادي
(أنا عندي حلم)
أكل من نص عمري الخوف
كنت أحيانا فضل لو بيخطفني من نص قلبي الموت
لك أحلى مسى عكل البلى فينا
جيل كسرنا جهلنا وأوزار أهالينا
(أنا طالب علم)
أغانيي قبل ما تأثر فيك
كانت رسائلي لنفسي وعيشت فيني كتير
رسائل وحدتي بعمل من لحني سرير
صغار منركض لنكبر بس لنندم عبكير
[اللازمة]
(أنا طالب علم)
ما بيفك نفسك غيرك
بيبزق عجرحك غيرك
بيمسح دمعك غيرك
يسند ضهرك غيرك
(أنا عندي حلم)
ما بيحس وجعك غيرك
يلقمك درسك غيرك
بإيدك تعصر غيمك
ما بعلمك غيرك
التعليقات