مساحة إعلانية
اوقات تعدى اوقات بتصعب
عيوني بحور بتثور وتشرب
امواجها تعلي تتوه وتهرب
دنيا مش سهله شاطره بتسرق
الليل يجمعنى مع احلامى
عيونى تحكى لسانى يدارى
بضحك يمكن تنسانى الاآمى
قبلت ب شقاها ومش قبلانى
مفيش غير كحل ف ليل ايامى
بمثل دوري ف انى كويس
ومش كويس انا غرقان ف احزانى
عشمنا ف بكره مات واتدفن
نرضي بالحظ ندوق الفشل
نرمى ع الدنيا نقول اتكتب
مفيش ف مكان شماعتى اتملت
مفيش ف قلبي غير كسور
نمشي ع الشوك نتمنى قصور
حالنا ما يسر ف ساقيه ندور
بجرى م الفجر لاجل اطول
جيلي وجيلك بينهم ياما
مش هتفهمنا مهما دار ف بالك
متقتلش احلامى لاجل احلامك
سبنى مش فاهم ع عمايا
الزمن غير يا ابويا اسمعنى
اللى كان زمان دا مات دلوقتى
تعليمي ف ورقه دي كفائتى
تعليمى ف راسي ف مش مستنى
اعيش ف دنيا غير بتاعتى
اشوف عادات بتقتل شغفي
اسمع كلام مش م اللى شبهى
ايوا فاشل ومش مستعنى
طلعنا من تحت الارض بمخالبنا
اتربينا ف شارع ان العيبه ف جيبنا
اترمينا ف مدارس قولى ب اي هتفيدينا
اتحرمت من كورتي مع اني حببها
انا ازميلي مع جيلي ف الغرق
نفسي قصير بس الاول ف السبق
طول عمرى ماشي ومتجنب السبب
اللي عشانه كل احلامنا بتترمي
ف الزباله ومراجعوش
اننا بشر وبرده بنعوز
اللي بنحبه بس ازاي دا يكون
لو غير حاضر يتهموك بالعقوق
بيبصو لدينا من جهه والحل
انك تتهمش او تفكر ف الحبل
بس ف الاخر هتكون انت برده المختل
الحبل مش نافع سيب من ايدك سهم
يكمل ع الجسم اللى ماشي بدون روح
يقتل فيا كل افكار الطموح
بندب حظى ومش بقصدى انى اقول
غير الحمدلله راضي باللي مكتوب
اتكلمت ومفادنيش غير سكوت
مش ضامن حتى الراحه ف موت
امتي بيا العمر يفوت
امتى السما دي هتسمع الصوت
التعليقات