مساحة إعلانية
وسع على الدوغري انا جيت
واوعي وش الديناميت
مش اي كلام يتغنى
يقلب معانا بحوار تنطيط
طب حاسب بس وهدي
وحياتك منتا ادي
انا سايبك بس تعدي
فاكر إنك أيه يا قليط
بص بقي يا حليتها
المرادي في بيتها
مش معني إن أنا عديتها
تسوق بقي فيها وتظيط
إنت يا حته يا متغندر
لو فاكر نفسك عنتر
يا إبني كان غيرك أشطر
اأقولك ولا نسيت
ولا أي كلام يتقال
يا برنس ده شغل عيال
وإللي حتعمله متشال
والمعلمة مش تخبيط
لو جاي تقول ندمان
أنا أسف أنا مش غلطان
يبقي كله بتنجان
وأنا كده مبسوط ورضيت
إحنا إللي عملنا الزيطه
ولعبنا الكره علي الحيطة
وبلاش شغل البلوتيكا
وارجع بقي زي ما جيت
مبقولش كلام على الفاضي
ولا ميه يسده قصادي
أرسى وخليك كده هادي
وحتزعل لو رديت
أنا حاردم كده على الماضي
وحعيش اللحظة دي عادي
مع إنك إنت البادي
على إحساسي وعديت
لو فعلا كنت أصيل
انا حد ملوش في الدنيا بديل
وحقولك ألف دليل ودليل
بس أنا نسيت وصفيت
أنا كده عملالك خاطر
وسع بقي م السكه يا شاطر
خلص بقي وأعملك آخر
انا فقت خلاص وصحيت
التعليقات