مساحة إعلانية
هيي أرضى بالعليك هيي أيوة إنت
خليك إنت مبتسم حتى في وقت الشدة
خليك زول قنوع و أرضى بالعليك
إستكن يا صاح و رزقك في يوم بجيك
***
مع كل شروق شمس يعني يوم جديد
خلي البسمة في شفاتك خليك دايما سعيد
مهما كانت الظروف برضو الواحد يصبر
ما تعاين لـ فوق للأقل منك أنظر
أرضى بالعليك و لـ عيوبك ما تذكر
يكفي إنك بـ صحة جيدة و لله أشكر
قدر ما إتعكست معاك و ما لقيت أي مخرج
أرفع يدك لـ الله و بإذن الله تفرج
أصلا ما تيأس و خليك زول متفائل
إستمر و ما تخت في راسك إنك فاشل
حتى لو ناقصك كتير ما تحس بالإكتئاب
أساسا الدنيا فانية و أخرها كوم تراب
يعني ما تشيل هم و أنسى كل الأحزان
بس أعمل العليك و خلي الباقي على الرحمن
ما تشكي لـ زول همك و إتمسك بالكتمان
أكيد حـ تلقى نفسك مرتاح في زمن من الأزمان
***
هيي أرضى بالعليك هيي أيوة إنت
خليك إنت مبتسم حتى في وقت الشدة
خليك زول قنوع و أرضى بالعليك
إستكن يا صاح و رزقك في يوم بجيك
***
رزقك في يوم بجيك بس خليك
إنت دايما صبور و ربك طوالي بديك
شايف الناس متقدمة و إنت ثابت في مكانك ؟
ما قادر حتى إنك تتكلم بـ لسانك ؟
عايز تشكي لـ زول و خايف بعدين يذلك ؟
طيب كدا معناه غير ربك ما بحلك
واصل في صلاتك و إتجه لـ ربك
إنشغل بـ عبادتك و أكيد حـ يتنور دربك
دقيت كل الأبواب و مافي زول ليك سامع ؟
و ناسي أغلى باب . باب الكريم الواسع
كل ما تكون في المصلاية لـ ربك بس أدعي
و أكيد الرحمن للمحتاج طوالي بدي
لو ظروفك كعبة بس أرضى بالحال
و إتذكر إنو الله هو مغيير الأحوال
أسلك الطريق الصاح و إتأكد و خت في بالك
إنو لـ قدام أكيد حـ يتصلح حالك
***
هيي أرضى بالعليك هيي أيوة إنت
خليك إنت مبتسم حتى في وقت الشدة
خليك زول قنوع و أرضى بالعليك
إستكن يا صاح و رزقك في يوم بجيك
التعليقات