مساحة إعلانية
تعبان يلدغ ومش باين..وسمه حروف كلام ملعون
نسأل ما بينا مين خاين..نلاقينا كلنا بنخون
نألف دين وجنه ونار
ونسمى الكل ناس كفار
وننسى عشره صديق او جار
وكل سنين مابينا تهون
..
القرار
ولسه ف عتمتك فيه نور..وبذره ف الاراضى البور
وبكره فيه ملامح ضى
وخير بيمد شايفينه جاى
..
ناس ودانها طين وعجين..وناس تسمع كلام دينها
ناس تزرع دموع ف العين..وناس تقلع هموم غيرها
وياما تشوف بشر قاسيه
وياما كتير بشر راسيه
لهم الناس مهيش ناسيه
وف ننى عنيها بتشيلنا
..
مين قال انتى مكسوره..او عدلك ميزانه مال
مين قال قوتك صوره..وهم كبير فوقيكى متشال
ام الدنيا يا قويه
عمر ماعشتى محنيه
برب الكون ده محميه
ولا يهزك ف يوم زلزال
..
مين يقدر ده يحنيكى..او يلمس ترابك مين
يعيش صوت الادان فيكى..وتعيش رنه جرس امنين
مدى خطاوى كتير مدى
هدى سور سواد هدى
وشدى حبال امل شدى
وصيحى ف وش كل حزين
..
ولوقمرك يبات مخنوق..بكره النهار يمحى سواده
والشمس تطرح نور وندوق..خير الوطن بايد اولاده
ويعود امل لسجين مظلوم
والضحكه ترجع للمظلوم
والحق بعد ما مات هايقوم
وحتى لو طال ف بعاده
____________________________________
كلمات / سامح سمير
ألحان/ سمير عياد
التعليقات