كلمات اغنية جوليا بطرس – سوء تفاهم

أنا عم قول بأوّل فرصة

لازم نِخلص من هالقِصّة

ما في داعي نعمِل جِرصة

على شي تافِه مش موجود

مهما البحر يموج بيهدا ...

ما عندي شكِّ بهالمبدا

وبحياتي إنتَ الأبدى

وعلى قلبي عينيك شهود

ياما زعِلـنا وتفاهـمنـا

لكِن مـا في يوم ندِمنـا

ياما زعِلـنا وتفاهـمنـا

لكِن مـا في يوم ندِمنـا

وْلا تْركنا اللحظة تِحرِمنا

أو تِرسُم للحِلم حدود

مهما بالحِكم تسرَّعنا

في إشيا كبيرِة بتِجمَعنا

مهما بالحِكم تسرَّعنا

في إشيا كبيرِة بتِجمَعنا

وكِل ما لبْعيد تطلّعنا

رحْ مِنلاقي الكَون وْرود