مساحة إعلانية
المرأة الاولى:
الحقني الحقني يا مولاي
اتاخد مني فتاي
قتلت ابنها ومسكتتش
سرقت ابني وانا معرفتش
المرأة الثانية:
ابنك مين ده ابني انا
دة كلام غريب بسمعه هنا
هسيب الحكم ليك يا ملكنا
تحكم بالعدل يا ملك مابينا
سليمان:
سمعتكم دايما سابقاكم
بس كفاية احكولي الحكاية
هسمع منكم وبالحق حاكم
المرأة الاولى:
انا وهيه مع بعض عايشين
في بيت واحد كنا مخلفين
الفرق بيننا ٣ ايام
انا الاول وهيه بعدي قوام
وفيوم كنا مع عيالنا نايمين
صحيت لقيت مشهد حزين
ولد ميت في حضني انا
والتاني بيلعب في حضنها
المرأة الثانية:
ايوه ..ابنها مات
ومعايا كل الاثباتات
ده ابني يا ملكي مش ابنها
ابنها كان ميت جنبها
سليمان:
ولد بيتخانق عليه اتنين
ياتري ده يبقي ابن مين
ادوني سيف يكون حامي
وهاتوا الطفل قدامي
اقطعوا الولد نصين
وقسموه بين الاتنين
المرأة الأولى:
لاااااا ادوها الولد متقتلهوش
المرأة الثانية: لا اقتلوه وقسموه
سليمان:
خلاااااص ظهر الحق بوضوح
وكدبها قدامنا بقى مفضوح
ادوها ابنها
ده من حقها
التعليقات