مساحة إعلانية
نعمه العمونيه .... (احدي زوجات سليمان و ام ابنه رحبعام الذي اصبح ملك بعد سليمان)
فاكر يا جلاله الملك
اول يوم شفتني فيه
سليمان:
فاكر يا نعمه، جمالك شدني
و أثنيت عليه
كمان بصراحه لازم اقول
علي التجاره و الازدهار
من مملكه عمون لشعبي
نعمه و رخاء، بجد انبهار
نعمه:
عندي لجلالتك طلب
و اتمني مايكونش مرفوض
سليمان:
إتمني و إحلمي يا نعمه
طلبك هتلاقيه موجود
نعمه:
عايزه ابني مذبح لمكلوم
أقدم عليه البخور
زي هيكل ربك العظيم
يكون له مذبح و عليه القرابين
سليمان(في سره):
مذبح لأله غير ألهي انا ؟
يا تري من الحكمه يكون قرار البنا
نعمه بدلع:
لو يؤمر مولاي في الحال
يكون مذبح لو فوق الجبال
يعيش مولاى فى راحة بال
طول ما انا و الهى بينا اتصال
سليمان:
فوق الجبال و المرتفعات
كانت مذابح لأله السموات
دلوقتي اتبدل الحال
بآلهه الوان واشكال ..
مذابح من كل الجنسيات
نسلي بعد عنك
و عمل الشر قدامك
و بسببي هتتقسم المملكه
في عهد رحبعام ابني كان لي عقابك
اديتني العالم كله
و مع ذلك ماخضعش قلبي امامك
حاد فكري لغيرك
و جريت ورا شهوتي .. يا تري في يوم تغفرلي يا سيدي
التعليقات