مساحة إعلانية
920x160
تواصل معنا
وفي آخر السنة دايما بفضل
مع نفسي برتب اوراقي
شكرا للي اتغير جدا
شكرا للى شارينى و باقي
شكرا للي وشوشهم واحدة
او مش واقفينلك على الوحدة
شكرا اوي للناس الواخدة
على جرحي وحزني وفراقي
السنة بتعدي وبتبين
الناس كلها على حقيقتها
في ناس هتشوف جرحك هين
وفي ناس هتشوفك فرحتها
الجدعنة مش ناس حواليا
مش لازم ١٠٠ سنة صحوبية
في وشوش امبارح تعرفهم
لو تطلب عينهم هتلاقي
احاسيس ومشاعر تتغير
بمرور الوقت تفوقنا
مع ان السنة وقت قصير
لكن في العمر بتسرقنا
واهو سنة ورا سنة ناس هتسيبك
وهتقطع مع حد حبيبك
وشوش قدامك تتكسر
ولا حتى هيبقالها بواقي
السنة بتعدي وبتبين
الناس كلها على حقيقتها
في ناس هتشوف جرحك هين
وفي ناس هتشوفك فرحتها
الجدعنة مش ناس حواليا
مش لازم ١٠٠ سنة صحوبية
في وشوش امبارح تعرفهم
لو تطلب عينهم هتلاقي
و فى اخر السنة دايما بفضل
مع نفسي برتب اوراقي
التعليقات