مساحة إعلانية
920x160
تواصل معنا
من كتر الجوع انا نفسي اتسدت
من كتر الحب كرهت الناس
ف الحب انا ليه لسه متبت
متمسك ليه و علي اي اساس
دي حياتي لا جابت ولا ودت
و الفرحه اتقفلت بالترباس
طول عمري و انا ماشي لوحدي
بضحك علي نفسي و اقول حساس
إجري إلعب يابني بعيد احسن
اصلك مسجون من حُراس
مسجون جوا دماغك فكره
انك محبوب من كل الناس
من كتر الجوع نفسي اتسدت
من كتر الحب كرهت النور
و كرهت الحب و كل جميل
دا انا حتي كرهت اشوف عصفور
و الروح راحت مبقتش تحس
ولا حتي بقيت مستي الدور
عايش شايف الزحمه و بس
محبوس و لوحدي انا جوا السور
انا جوا السور
التعليقات