مساحة إعلانية
حطيت المفتاح بجيبتك
طلعت من بيتك
امك مش عارفه انك مش راجع
وسايبلها ريحتك
الباب فتحت
اخدت السيارة انطلقت
كل ما دعست بنزين على قلب امك ضغطت
اعلنت الانطلاق عالشارع حطيت الكل وراك
شكلك نسيت انه اللي وراك بستناك
القرار كان الك
عشان توخد رخصة
بس الشارع مش الك
عشان توخد فرصة
طلعت من البيت حرقت مي وزيت
حرقت معهم قلب امك اللي
مربوط بساعة الحيط
العقارب بتمشي وانت لسه بتشد اجريك
كل ما بتسرع اكتر
كل ما حفرت قبرك باديك
اللي ورة الحديد بتمنى الحرية
انت طاير مع الحديد بحرية
وباي لحظة ممكن تكون ضحية
لو بعرف هاد مصيرك كنت قلتلك ضلك
حبيبي ليش بهاد العمر
رجعت روحك لربك
لما شفت الشارع فاتح
صار التراب الك فاتح
قللي لوين رايح
لسه بالبيت كنت مبارح
حطيت المفتاح بجيبتك طلعت من بيتك
لو بعرف انك مش راجع كنت خليتك
لو بعرف انك مودعني كنت ضميتك
لو بايدي كل شيئ كنت نجيتك
للحظة حولت الدعاسات لالعاب
بلحظة تركت احضانا
ودخلت احضان التراب
الله يرحمك كنت زينة الشباب
بوجودك البيت كان موسيقى حلوة
فجئة بيعزف لحن عذاب
لو فيي ارجع الزمن
كنت رجعتك خطوتك
كنت اخدت مفتاح السيارة
ورجعتك عغرفتك
بس مين كان عارف
انك اخدت الشارع لعبتك
انت جبت شهادة وفاة
بعد شهادة رخصتك
الله يرحمك يا غالي
لو بعرف هاد مصيرك كنت قلتلك ضلك
حبيبي ليش بهاد العمر
رجعت روحك لربك
لما شفت الشارع فاتح
صار التراب الك فاتح
قللي لوين رايح
لسه بالبيت كنت مبارح
التعليقات