مساحة إعلانية
علم الخاين يا كيف إتنزله وكيف أن الغدر بأصحابه يدور
وحصنه اللي فيه لاجئ زلزله ودك داره وخل تدبيره يبور
خلهم عن غدرهم في مشكله إختبوا مثل الزواحف في الجحور
دولتك باللي إستوى متيمله والشهاده نور ساطع فوق نور
ومن جرح سبع الفلا يتحمله والأسد إذا إنجرح صار إمخطور
الشهامه ف شعبنا متأصله ديرة الشجعان وافين الشبور
ومن تبع كسرى وأمسى من هله بينه وبين العرب بنحط سور
ومن زمان ترى نعرف المسأله ولي نشوفه اليوم من ذيك البذور
الحذر يا من قدرنا تجهله عن فعايلنا لايعميك الغرور
دم من ضحى ترى ما نهمله ماخذين الثار لو طبعك حذور
نبعنا ثر العطا من أوله بحر زأخر منهله يروي البحور
ولي جرى لأجل النصر نتأمله زادنا قوه وعزيمه في الصدور
ساعة التحرير ماهي مطوله وكلها أيام وتجيك الأمور
كلنا نحارب بعزم نبذله وكل هذا الشعب عالشده صبور
والنصر بعزومنا بنحصله ويا محمد أبشر بيوم السرو
الخلاصه يا زعيم المرجله أن كل الشعب في أمرك يثور
ولي بديته يا محمد كمله وكلنا وياك ياصقر الصقور
علم الخاين يا كيف إتنزله وكيف أن الغدر بأصحابه يدور
التعليقات