كلمات اغنية حسين شريف – الوزن والقافية

بحب الوزن والقافية

ف جه عشقك ملانى بحور

دخلتى بكل روح صافية

رسمتى ف قلبى شكل سطور

اخدتى بايدى م الأول

علشان اكتب واجيب تقدير

وكل المحنة ماتطوّل

هييجى وراها كل الخير

ولو يوم ايدى سابت سطر

تبصيلى بعين باسمة

محدش يابنى فاته القطر

وكل الخوف ملهوش لازمة

وانا لسه ماسك قلمى

فاتح عينى على الدنيا

كتبت حضور على عَلمى ?️

وسلمته لناس تانية

شعاع شمسِك على خدودى

يجدد دمى من تانى

ونظرة المحها ف شرودى

تطمن كل أحلامى

سطور ف سطور بنحكيها

مهى الدنيا على ده الحال

ومهما اوصف ماهوفيها

حبيبتى مفيش قصادها دلال

يا طيف حارس من الأوجاع

يا أرض الحب والطيبة

ف وسط الموج تكونى شراع

جبل عالى وله هيبة

وهفضل اطير بأحلامى

واحوش كل يوم ثانية

ماطول مهى واقفة قدامى

هكون شاعر ف أُمسية