كلمات اغنية حمد العامري – لا ما نسيتك

لا ما نسيتك كيف لا يمكن أنساك

أنساك كيف انساك والله قويه

أهواك واحبك و لي عمر يفداك

واسج بك سجة هل السامريه

ما تدري اني صرت مخلوق لرضاك

عايش حياتي فيك ميه بميه

أموت بك واحساس قلبي تمناك

حتى و لو تبخل و تقسى عليه

حبي لشخصك مثل طلعة محياك

أبيض مثل شمس الصباح البهيه

كنه مثل داجٍ على المتن غطاك

ناعم وله رقة شفاك النديه

لو ما تداريني أنا دايم أدراك

واشتاق لك واشوف هذا شويه

فيني حرام تكون ظالم و شكاك

وانته تشوف الروح لاجلك هديه