اقرأ كلمات اغنية حمزة نمرة - تسمحي مكتوبة

تسمحي لي يا أمّا من وقتك شوية

أنسى جنبك حِمل شايله تقيل عليّا

وزي عادتك تسمعيني

لو بكيت استحمليني

يا أمّا زادت قسوة الأيام عليّا

كل يوم بقى يشبه اليوم اللي عدى

كلمتين مش مفهومين على دمعة شاردة

حتى لون الدنيا باهت

والمعاني في قلبي تاهت

خوفي لتطول علينا الشدة ديّا

مادرتيش يا أمّا اللي حاصل وأنتي غايبة

حالنا مال بعدك خلاص الدنيا سايبة

شوفتي حتى ابن اللئيمة

والله بان وبقى له قيمة

الجبان لقى فرصة يتشطر عليّا

قبل ما أمشى بسألك مش عايزة حاجة

لسه برضو ساكتة مش هتقولي حاجة

بكرا هتقومي بالسلامة

ياللي شيلتي الهم ياما

ترجعيلنا يا أمّا زي زمان بهية

آه . ترجعيلنا يا أمّا زي زمان بهية

كلمات اغنية حمزة نمرة – تسمحي