مساحة إعلانية
ييجي علّيا الليل ويطوّل
والشتا بقى أسقع من الأول
واللي يشوفنا هيفهم حالنا
لو شفت دموعي هتعذرني
كل شوية الذكرى تزورني
أيوة يا قلبي أنا عارف مالنا
ناقصنا شوية حبايب
كلمتين ويّاك يا غايب
ولا نظرة حنيّنة
ناقصنا حدّ يواسينا
لما بيطبطب علينا
يهدى ويرتاح قلبنا
لسه البُعد مأثر فيّا
لسه دموعنا يا قلبي وفيّة
ويا ترى همّ بيبكوا عليّا؟
لسه البال في غيابهم شارد
حاسس إن رجوعهم وارد
بس بنسبة كام في الميّة؟
ناقصنا شوية حبايب
كلمتين ويّاك يا غايب
ولا نظرة حنيّنة
ناقصنا حدّ يواسينا
لما بيطبطب علينا
يهدى ويرتاح قلبنا
رايحة وجاية عينيك عالصورة
في حتّة في قلبك مكسورة
طب هات كده عينك في عينيّا
لا دي ملامحك ولا ده إنت
فرحك دايماً ناقص حتة
لساك مش عارف ايه هي؟
ناقصنا شوية حبايب
كلمتين ويّاك يا غايب
ولا نظرة حنيّنة
ناقصنا حدّ يواسينا
لما بيطبطب علينا
يهدى ويرتاح قلبنا
ناقصنا شوية حبايب
مشتاقين للقاك يا غايب
شوف بقالنا كام سنة
ناقصنا حدّ يواسينا
لما بيطبطب علينا
يهدى ويرتاح قلبنا
التعليقات