مساحة إعلانية
م الصبح غرقان في مشاكل
وم البداية اليوم قافل
أستنى في الباشا يعدي
داخللي عكسي ومش سائل
قلبي ليه مش مطمن
باينه يوم هندم عليه
هي ضلمت كده ليه
اللي وداني يجيبني
يومي راح في الزحمة يا بيه
البلد بتعذبني ...
أنا كنت ناوي أخش يمين
قالولي خش شمال أحسن
أنا قولت دول طبعا فاهمين
بصيت لقيت نفسي ف مدفن
دا اللي يسأل في بلدنا
ربنا يعوض عليه
هي ضلمت كده ليه
اللي وداني يجيبني
يومي راح في الزحمة يا بيه
البلد بتعذبني ...
بالعافية عديت الأتوبيس
بأضرب بعيني لقيت زفة
ومادام يا سيدي اليوم دا خميس
خد لك معاهم مية لفة
هيصة ولا حدش داري
بالمرار اللي احنا فيه
هي ضلمت كده ليه
اللي وداني يجيبني
يومي راح في الزحمة يا بيه
البلد بتعذبني ...
أنا قولت مرة أعمل فاهم
وخلعت م الزحمة مزأطط
ما وعيتش غير في صلاح سالم
فركنت على جنب أعيط
آه يا غلبي آه يانا ياما
مش هروح ولا إيه
هي ضلمت كده ليه
اللي وداني يجيبني
يومي راح في الزحمة يا بيه
البلد بتعذبني
ورجعت والشارع مقفول
وزحمة والبيت متحاوط
لمحت واد كدا مش معدول
شايلينه قال عامل ناشط
يلا سيبك ما هي باظت
يعني هي جت عليه
هي ضلمت كده ليه
اللي وداني يجيبني
يومي راح في الزحمة يا بيه
البلد بتعذبني
هي ضلمت كده ليه
اللي وداني يجيبني
يومي راح في الزحمة يا بيه
البلد بتعذبني
هي ضلمت كده ليه
اللي وداني يجيبني
يومي راح في الزحمة يا بيه
البلد بتعذبني
التعليقات