مساحة إعلانية
النجوم مرصوصة كده رصة أبهة
واللي كان حازز في قلبي خلاص انتهى
النجوم مرصوصة كده رصة أبهة
واللي كان حازز في قلبي خلاص انتهى
فرصة سعيدة أيها الليل اللي جي
الضلمة بتبروز ساعات في القلب ضي
وفرصة سعيدة أيها الليل اللي جي
الضلمة بتبروز ساعات في القلب ضي
ولعله خير، لعله خير
يا نجوم بترقص في السما لعله خير
لعله خير، لعله خير
يا نجوم بترقص في السما لعله خير
سكر خفيف الشاي عملته وجيت
وقلت بس يا ريت الدنيا تسمعني
ورا القزاز واقف موارب شيش
ومن الليلادي مفيش قوة هتمنعني
قال القمر: "قرب هنا أسهر معاك
عندي خبر بس أنت رد الباب وراك"
قال القمر: "قرب هنا أسهر معاك
عندي خبر بس أنت رد الباب وراك"
ولعله خير، لعله خير
إيه اللي عندك يا قمر، لعله خير؟
لعله خير، لعله خير
إيه اللي عندك يا قمر، لعله خير؟
ياما وقعنا في الطريق ونقوم
لا حزن كان بيدوم ولا جرح بيطول
وتخوني خطوة، أمشي خطوة كمان
ألقى طريقي يبان أسهل من الأول
بان من بعيد الشمس جاية تقول: "سلام"
يومي الجديد رفرف على جناح الحمام
بان من بعيد الشمس جاية تقول: "سلام"
يومي الجديد رفرف على جناح الحمام
ولعله خير، لعله خير
دي الشمس جاية في وقتها لعله خير
لعله خير، لعله خير
دي الشمس جاية في وقتها لعله خير
التعليقات