كلمات اغنية حمزة نمرة – مرجيحة

ياه لمّا الحنين بياخُدنا

لمُرجيحة بتُحْضُنّا

و ياه و بتعلى فوق سُور بيتنا

تاخُدنا لفوق و بتساعنا

نلاقي الطفل جُوّانا

عينيه بالفرحة مليانة

و ضحكة مش مفارقَانا

في بُشْرة خير لأيامنا

و ياه لمّا الحنين بياخُدنا

لمُرجيحة بتُحْضُنّا

يا ريت تِرْجَع ليالينا

تاخُد تاني أيادينا

تجمّعنا تخلّينا

نشوف من تاني قُدَّامنا

و آاه لمّا السنين بتعدّي

و تسرق مِنّا أحلامنا

و ياه لمّا الحنين بياخُدنا

لمُرجيحة بتُحْضُنّا

و ياه و بتحلى بيها دُنيتنا

تاخُدنا لفوق و بتساعنا

تلملمنا صديق و صديق

ترَجَّع حلم قلب بريء

تقول غِنوة تِبِلّ الرِيق

و ترْجَع بيها أحلامنا

و آاه لمّا السنين بتعدّي

و تسرق مِنّا أحلامنا

و آاه دي بتجري ما تهدّي

تضِيع ملامحنا و كلامنا