كلمات اغنية حمو الطيخا – انا قاسى وناسى

أنا ساعة حزن بتقل وزن، جراح وعذاب وهموم

أنا شخص مشخص في التفكير عينه مش بتشوف النوم

ما شافوش أعصابي وغدر أصحابي اللي إتربوا في الخرابة

علشان أوصل للي وصلتله أنا شفت كتير أوي يابا

أنا مش برتاح للغدر، ما أحبش حد مالوش أوراق

علشان سالك عالمبدأ جوة الدنيا ماليش أعداء

أخصامي أسامي لكن عالعادي معاكوا في أي لقاء

أول ما لقوني أحسن منهم خصموا، بقى بينا فراق

إزعاج، أزعجت اللي بيزعجوا في دماغنا بيقولنا وقال

ما بحبش شغل الهري، إنتوا في هريكوا عاملين أبطال

بتقولوا عملتوا عملتوا، ما شفناش ليه مشهد قتال

كل اللي بشوفه مشاهد مش من الفعل، ده وحي خيال

أرضنا حينا ساكنة في قلبنا، ياض أرض بولاق في ياما

ده في شارع مطر الشبح خطر ده أبو سعيد أقوى زعامة

علي وزة زميله دليله، أخوه يتلقب أحلى فخامة

اللي يزاولكوا بيجي مقتول عالدية بياخدوا غرامة

أنا قاسي وناسي فائد إحساسي وكل ما أملكه صاحبي

غير كده كلها فتحالي بُقها، علشان قرش بقوم جنبي

نسوان مانيكان خلوا الجدعان على بعض إتحولوا زومبي

بس أنا وزميلي ما نخسرش بعض، الشق ده ساكن قلبي

مية عين بصالنا في مالنا وحالنا إتدهور من أمثالكوا

عاوزين كمامات لعيونكوا يمكن يابا يتصلح حالكوا

ما هو مرض النظرة يجيب الحسرة، إسأل واحد شاف منكوا

ده الحقد يوصل للإنتقام، كل ده من نظرة عينكوا

إزاي يا زميلي قسمت اللقمة على التغفيل ليه الجرح

أنا قلت إنك هتصوني لقيته مش حمل العيش والملح

وبرغم بقفله كتير وفي وقت الشدة ده قبل الفرح

ولا حرمة تفيد ولا صاحب صِيت، بعدك يا دراعي نو شرح

بعدين وياك يا زمان يا بليد، الناس واطية وكذابة

بيقولوا متهني، يوماتي بيغني ويضحك، ما شافوش حاجة

ما شافوش أعصابي وغدر أصحابي اللي إتربوا في الخرابة

علشان أوصل للي وصلتله أنا شفت كتير أوي يابا

أنا عندي أخويا بكل الكوكب، غيرك يا زمالة فترة

الناس شايفانا قالوا جاية معانا إتصلوا أوام بالشرطة

من ع التليفون قال مرشد دون متسجل إسمه سكارتة

بلغ للنسر وقال الإسم، جابوني حطوني في ورطة

بصوا يا أخصام أنا مش فاندام ولا بطلع في الأفلام

بس أنا ما بحلش، أنا ما بكنش، ما أنا مش إبن حرام

في العقل أجندة لأي أونطة، يا مرحب بالإجرام

الصبر جميل ونهايته قتيل يا أنا يا واحد من الأخصام

أنا ساعة حزن بتقل وزن جراح وعذاب وهموم

أنا شخص مشخص في التفكير عينه مش بتشوف النوم

أنا عايش ميت، ليه متقيد، من الأفراح معدوم

كوكتيل متخلط، كاس بيورط، مشروب كله سموم

الضيقة دنيئة، بجد حقيقة، يفك ضيقتكوا أخواتي

رشدوا المظابيط سلموا أصحابنا اللي كانوا جنبي يوماتي

في نيابة بشوفكم أنا بتحسر، بتسودوا حياتي

ربنا يوعدكوا بقاضي كويس وترجعولي كالآتي