مساحة إعلانية
مين اللي قالك اني هحلك
لو انت هتدورني
دنا يابني اعكر دوله
ودوله متعرفش تعكرني
مش باقي انا علي حاجه
ياللي انت شكلك غلط شايفني
يعني استحاله حبه زباله
علي الدوغري يوم تشغلني
لا لا لاء ماليش اخوات
اخواتي مين غور ياض
فاكرين في مره اما احتاجتلكو
قفلتو التليفونات
وتاني نمره لو نسيتوا
في حكايتي انا جليتوا
سيبتوني وجريتو
ايوه عليكوا طلعتو حبه بنات
كل اللي انا هونت عليهم
عمر زعلهم ما هان عليا
مش فاهم العيب فيهم
ولا رجولتي اللي غايبه فيا
اللي انا قولت عليهم مني
وشيلتهم جوه عنيه
دقيت اساميهم
لامؤخذه هنا علي مشط رجليا
انا اللي كل مشاكلي كانت
لاعز زمايلي
وفي مشكلتي سابني لوحدى
بالكدب مقالش جاي
صحاب بكاش في اونطه
متنفعش سنتي في شده
دانت اللي كتبك علي البطاقه راجل
دا مشاها واسطه
ابنك يا امي ورب الخلق يشرف جيهه بحالها
سالك لطوب الارض
لكن الناس مش عارف مالها
كل اما اتقدم خطوه نفسيتي بيجيبو اجلها
سامحيني يا امي كرهت الدنيا
ونفسي اموت واسيبها
صاحبي رجوله دوليه
يخربيت الحنيه لكن مش معايا
لا للاسف مع الحته الطريه
الله يكون دا في عونه
دلدول حريم من يومه
ياجدع دا العيش اللي كان مابينا
لو طفل كان هيصونه
لازم اشنكحها انا واكبرها منا
وضعي ابابا يسمحلي
طول منا مزاجي دا فل ورايق
الكون يولع لاجلي
مش هبقا طيب وطظ فيكم
مفيكوش حد يأمنلي
خليها واكلاكو دي مني
ونا براحه وعلي ماهلي
ياللي انت عينك عليا
والنبي اهدي شويه
دنا كل حياتي اقساط في اقساط
يالي دماغك منخوليه
بتتمنو ليا اذايا يخربيتكم كفايه
لامؤاخذه بجد هقولها
مشوفتش بربع جنيه ربايه
ياشاويش تعالي للبنت ديه
ريحني بقا واحبسها
خاينه وبايعه طلعت دي صايعه
وعايزاني اتجوزها
وشها فقر عليا دي كانت بومه
انا كنت حاسسها
بعديكى جالي عود امريكاني
وربك لبقا عريسها
التعليقات