مساحة إعلانية
تعبنا خلاص
والدينا كئيبة بتتلون
ومفيش إحساس
انا شايل جوة كتير مني
وكرهت الناس
انا قلبي خلاص بقي من تعبو
كاره الانفاس
حاسة اني بموت
والضحكة خلاص فارقت وشي
ليه مش مبسوط
انا دمعي بيسهر على خدي
انا عايشة سكوت
مبقتش سعيدة ومش مرتاحة
ومش في المود
دنيا منها انا شارب الاذي
اللي مني انا ليهم بتنسي
للجراح انا هفتح مدرسة
انسو ان يبقي الحب ما بينا
ضحكة مني دى تاهت ومسافرة
والزعل دة ليا ده كيف رحله
عيني بقي من الدمع تكون قافلة
نار دمار بقي امتي نشوف جنه
انا شايله جروح
والجرح يزيد والهم تقيل
وبطلع روح
مخنوقة من الناس
واحساسي بقي مدبوح
احساسى ان انا بتخان بقي
شي مسموح
إحساس الخوف
اتملك مني تعبني
انا عايشة ظروف
الكل فارقنى سايبنى تملي
في نار محدوف
النار بتقيد جوايا تزيد
لونى بقي مخطوف
خونتوا قلبي ازاي ما كنت شاري
خلتونى انا شاب انتحاري
دنيا قاسية عليا فيها حالي
قلبي مات معرفش الخوف
عشرة مين العشرة دي قشرة
الصحاب دى كمين دى صحبة فطشة
عالخاينة والكدب ياسطا عايشة
دة انتو تتحرقو بملوتوف
حاله اوجاع
الثقة مبقتش في حد خلاص
عشان بتباع
والوش بيطبع سم
وشوش مليانة خداع
الكل بقرشه بيستقوي
وعايشها خداع
العشرة تهون
انا ياسي أتمكن مني
خلاص اصبح مجنون
عشان اصبر ياما اتحمل
الله في العون
صاحبي اللي امنته وقدرته
دة طلع بيخون
قلبي منك دة صدي جاتله جلطة
عمري مرة ما شوفت ايدكم سانده
ياما ايدكم قي جيبي كانت واخدة
بس قولي دة مين بيقدر
كله سايب عينه جوا رزقي
ارحموني تعبت هاتو حقي
الف ايد في جراحي لية تزوقي
لو هموت قدامكم دي مش فارقة
قلبي دة مكسور
بقي عايش وحده
مستني النور
وتفاركو الضحكة تروح رحله
وتعدي بحور
والنار بتزيد جوا في قلبي
قربت اثور
مش لاقي علاج
تعبت انا منك يا جراحي
نفسي القي علاج
يا عيونى بقي امتي هترتاحي
دي حياتى بلاك
وياهم فارقني وريحني
دة انا نفسي انساك
التعليقات