مساحة إعلانية
رضيت بالهم بس الهم مش راضي بيا
ايامي مش بتعدي اوجاعي هي هي
مبقتش عارف دا ذنب ولا انا مدعي عليا
عايش في فيلم ودوري فيه ابقا الضحيه
خيال مئاته تملي اصحابي نسياني
مليش صحاب انا كل اصحابي كرهاني
بقيت بفضفض في المرايا اكمني وحداني
بشوف واحد في مرايتي واقف يبكي علشاني
يارب عينّي انا جبت اخري مش قادر اتحمل
تعبان يارب مبقاش في صبر بالعافيه انا مكمل
عجّزت بدري من صغر سني شقيان ومتبهدل
مع نفسي بحكي منا لما بشكي بيقولو بيمثل
احساسي اني هموت صُغير مش سايبني
انا شامم ريحة الموت حواليا بيراقبني
خوفي من الموت على فجأه دا اللي يا ناس راعبني
مبقتش انام تفكيري في اللي انا فيه تاعبني
بقيت غريب بين ناس كان المفروض مليش غيرهم
مليش مكان وسط اللي مفروض ان انا منهم
فجأه اتنسيت من ناس قضيت حياتي وانا بينهم
ايوه اتغبيت علشان وفيت وياريت ما حبيتهم
باب الصحاب قفلتو ورميت مفتاحو
وبعدت عنهم يارب بس في بعدي يرتاحو
وان كان عليا انا مش حزين عشان خلاص راحو
وازعل ليه بس وعلى مين دول هم وانزاحو
انا لسه بفتكرك وبفتكر اللي بينا
وقلبي رافض يقبل اننا اتفارقنا
اختارتي غيري في ثانيه ونسيتي حياتنا
كل اما يسأل قلبي عنك اقول باعتنا
وحشاني ليه وازاي يا قلبي بقيت تحنلها
انساها بس بلاش يا قلبي تنسا عمايلها
بقا هيا دي اللي احنا عيشنا حياتنا نوفلها
يوم لما تيجي الضربه متجيش الا بقا منها
شكرا بجد لاي حد خلاني اتألم
مانا من اللي شوفتو من الناس
فهمت وبقيت يابا اتعلم
خلو العتاب لاهل العتاب وبلاش بقا اتكلم
ومسيرنا يجمع بينا حساب وعليكو هتضلم
التعليقات