كلمات اغنية خالد عجاج – تعب الهوى

تعب الهوى قلبي .. والحلو مش داري

ولامتى هنخبي .. على بعض ونداري

تعب الهوى .. تعب الهوى .. تعب الهوى قلبي

حبينا .. ودارينا .. وليلنا بيطوِّل

وياريت ما خبينا .. على بعض من الأول

وصبرنا ما لاقينا .. الصبر بينوِّل

وقلوبنا وعنينا .. مش راضية تتحول

ضيعت أيامي .. بين شوقي وهيامي

وأنام بأوهامي .. وأصحى على ناري

كلمة شايلهاله .. هي اللي شاغلاني

وياريتني أقولهاله .. وأعيدها من تاني

ياهل ترى في باله .. ولا هينساني

ويميل لعزاله .. ويفوتني وحداني

مهما يودعني .. حبه ملوعني

وحتى لو باعني .. برضه أنا شاري