كلمات اغنية داليا الجندي & شريف الوسيمي – من غير عشا

اللى ناموا من غير عشا

مين اللى قال فطروا

حكايات وجع على فرفشة

حواليك بيتنتروا

اللى راسها ع القزاز ساندة

و بتحلم فى الطريق

واللى راسها ع البساط ساجدة

تدعى ببلة ريق

وفى الطريق الصبر صديق

والحلم رفيق .. والعند أمل

لو على جمل ..

أو توكتوك .. أو قطر أو مترو

أو أى طريق اتمشى

واللى ناموا من غير عشا ..

مين اللي قال فطروا

اللى عايزة تطير خلاص طارت

بأحلامها البسيطة ..

فتّحت للدنيا و اختارت

مكانها ع الخريطة ..

وآدى بصمتها و رسمتها

و بسمتها فيها امل ..

روح العمل بتغني اه و لو كتروا

كل الوشوش الخشب

واللى ناموا من غير عشا ..

مين اللي قال فطروا

فيه ناس بتصنع حياة

من العدم ..

واناس اختاروا يقولوا لا

مابقوش خدم ..

للقدر و للظروف

ولسة بكرة نشوف

أحلام و كلام و ناس قدروا

من غير محايلة و عشم

واللى ناموا من غير عشا ..

مين اللي قال فطروا