كلمات اغنية رابح صقر – انا تعبان

أنا تعبان من نفسي .. ولا منك انا تعبان

أبي أرتاح ابي أفهم وش اسباب التعب فيني

دخيلك بس أحضني ولا بحكي عن اللي كان

حنانك لمستك .. روحك.. دفا حضنك يكفيني

تعبت اذوب محتاجك .. وكلي ينتظر ولهان

تعبت اشكي على نفسي ولا غيرك يهديني

معك نيران تحرقني .. رغم هذا أنا بردان

وكل ضحكة من عيونك .. غصب عني تبكيني

أنا تعبان مو قادر .. تعبت اتنفسك حرمان

أدور ادورك لهفه .. وأضيع وما ألاقيني

ضميت لكاسك اترجى تخليني بعد ضميان

أبي أضمى بعد أكثر .. ابي أيديك تسقيني

بعذابي ووحدتي ساكت اكسر خاطر الجدران

أناظر وين ما اناظر .. أشوفك بيني وبيني

أذوب بناري من دونك مثل شمعه تذوب احزان

مثل ريشه بمهب الريح .. طلبتك .. لا تخليني