كلمات اغنية راشد الماجد – بعيد تاركني

بعيد تاركني ادور لك اعذار على الغياب و صدتك و انعزالك ..

معقول ما جالك على البال زوار اللي عطالك فرحته ما طرالك ..

شهرين واسرار الغلا ما لها دار تاهت و هي تبحث في غابة خيالك ..

ما تدري ان مفارق الخل جبار و ان الفراق اكبر سبب للمهالك ..

أنا وحيد و ما معي غير تذكار لو تنشده عن حال خلك حكالك ..

كانت حياتي قبلك دروب و أسفار حتى ملكت اللي بقى في وصالك ..

حبيبك محطم جروح ٍ و منهار حاله عليك من الوله عكس حالك ..

قبلك انا و سهيل و الجدي سمار مشرح تغنجك وحلاك و دلالك ..

نسـيـتـني في الليل و نجوم الاسحار قيلت مالي مـرقـد ٍ في ضلالك ..

خليتني أتعب على جزل الافكار قلت القصيد وقلت لك طاب فالك ..

نقلت قدام العدد كل الاصفار حطيتني رغم الفقر راس مالك ..

انا غريب الدار غريبٍ بالأطوار بالمختصر انا خذت لك شخص هالك ..

و الحين من شهرين من صار ما صار و انا اتمنى يا حبيبي سوالك ..

بالله ما جيتك على البال زوار طيفي دخيل الله ما قد طرالك ..