مساحة إعلانية
920x160
تواصل معنا
ما نيب عن هرج المعادين نشاد
عجاجة جانا المطر من وراها
وان جدد الظالم مزاعمه وش عاد؟
هذا هوى نفسه وهذا جداها
یا محمد حييت يا نسل الأمجاد
جمرة هل العوجا وشعلة ضياها
یا محمد حییت من روس الأشهاد
بقولها وأفرح بردة صداها
حنا نشوف الصبح من قبل ينقاد
في مفرقك والشمس غض سناها
نحتاج لك روح ونحتاجك فواد
وتحتاجك أرضك يا معمر ثراها
ولا رضا سلمان يحتج من راد
ما جيت خلق الله اتدور رضاها
ما نيب عن هرج المعادين نشاد
عجاجة جانا المطر من وراها
وان جدّد الظالم مزاعمه وش عاد؟
هذا هوى نفسه وهذا جداها
لا يكدرك يامير فاجر وجحاد
بعض النفوس ابصارها هو عماها
أنا أشهد أن بلادنا المملكة بلاد
معظم مكانتها ومطول مداها
ما تصلح الدنيا بلا صبر وعناد
ولطم الخشوم وردها عن هواها
والله فوق الكل في حماه نزداد
عزن وتهنا المملكة في رخاها
ولا رضا سلمان يحتج من راد
ما جيت خلق الله اتدور رضاها
التعليقات