مساحة إعلانية
الجحش قال للحمار يابا اديني الحنطور
يابا انت سنك كبر وجب عليا الدور
الجحش قال للحمار يابا اديني الحنطور
يابا انت سنك كبر وجب عليا الدور
كح الحمار كحة فزعت لها الركاب
مش يابني بالصحة ده كل شئ بحساب
كح الحمار كحة فزعت لها الركاب
مش يابني بالصحة ده كل شئ بحساب
وسواقة الحنطور محتاجة حد حكيم
وانت عينيك فارغة همك علي البرسيم
قوللي تسوق ازاي والتبن مالي عينيك
حتي حبل اللجام واسع يا ابني عليك
اعقل وبطل طمع لاتسخن الركاب
ما تجيش يا واد جنبهم لاتبقي ليلة هباب
دول صنف ناس جبار قادر مالوهش امان
يبان عليهم وهن لكنهم فرســــــــان
يابا دا نومهم تقل وبقاله يابا سنين
كل البشر صحصحوا ولسه دول نايمين
يا جحش بطل هبل وبلاش تعيش مغرور
ركابنا مش اغبيا ولا عضمهم مكسور
بكرة حيصحولك ويزلزلوا الحنطور
وتلاقي في قفاك تمانين خازوق محشوور
الجحش قال للحمار يابا اديني الحنطور
يابا انت سنك كبر وجب عليا الدور
الجحش قال للحمار يابا اديني الحنطور
يابا انت سنك كبر وجب عليا الدور
التعليقات