كلمات اغنية روكسي – انا كلب

انا كلب ايوه كلب واتولدت على ده الحال، بمشي واجري في الشوارع وبهرب من الناس

بيقولوا عليه كلب بلدي علشان عايش في الشارع وباكل من زبالة الناس.

وفي يوم رجعت لقيت اهلي واكلين لحمة ونايمين قولت أخيرا في رحمة وفي ناس طيبين ،

بصحي ابويا وامي ما حدش بيرد عليه ولا حتى إخواتي سامعين.

"اتاريهم راحوا ايوه راحوا ماتوا مسمومين"

جريت قعدت اهوهو الناس حدفوني بالطوب ، نفسي احس بأمان انا حاسس انا حيوان،

واتاري دي شتيمة مابين البشر وبتتقال.

عدت سنة وكبرت عايش هارب وسافرت، قابلت كلاب صحابي قالولي إخواتنا ظهروا في كليب

خطفوهم ربطوهم عذبوهم وقطعوهم.

"اتاريهم راحو ايوه راحو ماتو مضروبين"

طب ده انا حتى اسمي كلب بلدي يعني من بلدك، متودنيش هناك طبطب عليه ارحمنيي

،مش عاوز منك اي حاجة سيبني في حالي اعيش وانا مش هاهوهو.

هعمل صنم لما اشوفك تحت جزمتك هعيش خدني في قفص احبسني ارميلي كل يومين رغيف

، مع انك لو حنيت عليه هبقى اوفى ليك من اي واحد صاحبك