كلمات اغنية روني داوود – زمن الخفافيش

زمن الخفافيش

فتحت الباب خرجت قفلت

لقيت زحمه سرقت الخطوه م الاسفلت

اه منها الدنيا المغروره

مشتنى فى وسط المرايات

عكست احلامى المكسوره

صوره فى كل الاتجاهات

صوره فى كل الاتجاهات

غزلت من الوجع فساتين

عارضهم جوه فاترينه

فتحت فى قلبى جرح حزين

بخيط فيه بسكينه

بحاول اعيش

سرقت النور من الخفافيش

سرقت الضحكه م الدمعه

سرقت الخطوه م الطرقات

سرقت الفجر م العتمه

سرقت ملامحى م المرايات

وسبت القهوه للفنجان

خطفت النار من الدخان

سرقت الغربه م الاوطان

سرقت الذكرى م النسيان

سرقت الورد م الالوان

سرقت الحرف م الورقه

سرقت الريشه م الرسام

سرقت اصحابى واخواتى من الحزن اللى فى الايام

انا بعزف صرخات ببيانو اغنيات

وحروف مجروحه ابيض واسود

عمرى بيانو والنهايات

كلها مفتوحه بحاول اعيش

سرقت النور من الخفافيش

كلمات الشاعر محمد حامد

لحن وتوزيع وغناء روني داوود